இதேவேளை, பருத்தித்துறை இராணுவ முகாமைச் சேர்ந்த உப லெப்டினன்ட் பி.டீ. த சில்வா என்பவர் தன்னைத் தானே சுட்டு தற்கொலை செய்துகொண்டுள்ளார்.

இவ்விரு சம்பவங்கள் தொடர்பில் பொலிஸ் ஊடகப் பேச்சாளரும், சிரேஷ்ட பொலிஸ் அத்தியட்சருமான ஐ.எம்.கருணாரத்ன தகவல் தருகையில் கூறியதாவது:-

பலாலி மருத்துவ முகாமில் சேவையாற்றிவந்த வைத்திய உதவியாளரான மேற்படி கோப்ரல் நேற்று முன்நாள் மாலை 5.30 மணியளவிலேயே உயிரிழந்துள்ளார் என்று பொலிஸ் விசாரணைகளிலிருந்து தெரியவந்தது.

இவரது சடலம் முகாமிற்குள் அமைந்துள்ள படையினர் விடுதியின் மலசலகூடத்துக்குள்ளிருந்து கண்டுபிடிக்கப்பட்டுள்ளது. சம்பவம் தொடர்பில் பலாலி பொலிஸாருக்கு தகவல் வழங்கியதை அடுத்து அங்கு விரைந்த பொலிஸார் உரிய மரண விசாரணைகளின் பின்னர் சடலத்தை பிரேத பரிசோதனைகளுக்கு உட்படுத்தியுள்ளனர். நஞ்சு மருந்தினை தனக்குத் தானே உடலுக்குள் செலுத்திக் கொண்டே அவர் இவ்வாறு தற்கொலை செய்துகொண்டுள்ளார் என்று மேற்படி பிரேத பரிசோதனைகளின் மூலம் தெரியவந்துள்ளது.

சம்பவம் தொடர்பான மேலதிக விசாரணைகள் பலாலி பொலிஸாரால் மேற்கொள்ளப்பட்டு வருவதுடன் கோப்ரலின் சடலத்தை அவரது உறவினர்களிடம் ஒப்படைக்கவும் நடவடிக்கை எடுக்கப்பட்டுள்ளது.

இதேவேளை பருத்தித்துறை இராணு முகாமைச் சேர்ந்த உதவி லெப்டினன்ட் பதவி நிலை வகிக்கும் இராணுவ வீரர் நேற்று முன்நாள் முற்பகல் 10.45 மணியளவில் தன்னைத் தானே சுட்டு தற்கொலை செய்துள்ளார்.

வலஸ்முல்ல பெலியத்த பகுதியைச் சேர்ந்த அவருடைய சடலத்தை உரிய பிரேத பரிசோதனைகளின் பின்னர் உறவினர்களிடம் ஒப்படைக்க பருத்தித்துறை பொலிஸார் நடவடிக்கை எடுத்துள்ளனர்.

மேற்படி இரு தற்கொலைச் சம்பவங்கள் தொடர்பில் பொலிஸார் தீவிர விசாரணைகளை மேற்கொண்டு வருகின்றனர்.

கடுமையான அழுத்தம், தோல்வியை எதிர்நோக்கிய அச்சம், மற்றும் கண் விழித்தல் என்பன இதற்கான காரணங்களாக கூறப்படுகிறது.

தற்போது அவரது காரியாலயத்திலும் அதிக கோபத்துடன் நடந்து கொள்வதாக உள்ளகத் தகவல்கள் தெரிவிக்கின்றன.

இந்த நிலையில் மருத்துவர்கள் பலரின் ஆலோசனையின் பேரில் ஜனாதிபதி தமது நாட்களை கழித்துக் கொண்டிருப்பதாக தெரிவிக்கப்படுகிறது.

ஏற்கனவே ஜனாதிபதி மகிந்த ராஜபக்ஷவுக்கு 200க்கும் மேற்பட்ட ஆலோசகர்கள் காணப்படுகின்றனர்.

இந்த நிலையில் தற்போது வைத்திய ஆலோசகர்களும் அதிகரித்துள்ளனர்.

மதுரை: தேவகோட்டையை சேர்ந்தவர் அபுதாகிர். இவரது மனைவி வகிதாபானு. பரமக்குடி தனியார் மருத்துவமனையில் பெண் குழந்தை பிறந்தது. குழந்தை மிகவும் பலவீனமாக இருந்ததால், மதுரையில் சேர்க்க ஆம்புலன்சில் கொண்டு சென்றனர். வகிதாவின் அக்கா ஷகிலாபானு, நர்ஸ் லதா, உதவி நர்ஸ் திருமுருகவள்ளி, அபுதாகிர் ஆகியோர் புளியங்குளம் அருகே சென்றபோது, தனியார் பஸ், மோதியது. இதில் மூவரும் இறந்தனர். குழந்தை ஆஸ்பத்திரியில் இறந்தது.

திருச்சி: காஞ்சிபுரத்தை சேர்ந்தவர் கன்னியப்பன்(50). இவரது தம்பி மோகவந்தன் என்ற பாபு (47). காரில் சிவகாசிக்கு புறப்பட்டனர். காரை ஆனந்தராஜ்(32) ஓட்டினார். நேற்று காலை திருச்சி அருகே, பஞ்சரான லாரியின் பக்கவாட்டில் உரசியதில் இருவரும் இறந்தனர்.

கரூர்: கரூர் மாவட்டம், நடுப்பட்டியை சேர்ந்தவர் சுப்பிரமணியன்(29). பணிக்கம்பட்டியை சேர்ந்தவர் ராமசுந்தரம்(45). அவரது அக்கா சின்னப்பொன்னு(47). 3 பேரும் குறி கேட்பதற்காக பைக்கில் நேற்று சென்றனர். புதுப்பட்டி வளைவில் சென்றபோது, அரசு பஸ் மீது மோதியதில் சுப்ரமணியன், ராமசுந்தரம் இறந்தனர்.

ஒரே மாதத்தில் 866 பேர் சாவு

கடந்த மாதம் மட்டும் தமிழகத்தில் 4928 சாலை விபத்துக்கள் நடந்துள்ளன. அதில் 6 ஆயிரத்துக்கும் மேற்பட்டவர்கள் காயமடைந்துள்ளனர். 866 பேர் உயிரிழந்துள்ளனர். இந்த விபத்துக்களை மண்டல வாரியாக பிரித்து விபத்துக்களை குறைக்க, சட்டம் ஒழுங்கு கூடுதல் டிஜிபி ராதாகிருஷ்ணன் தலைமையில் போலீசார் சிறப்பு திட்டங்களை வகுத்துள்ளனர்.

இந்நிலையில், ராமேஸ்வரத்தில் இருந்து 400-க்கும் அதிகமான படகுகள் நேற்று கடலுக்கு சென்றன. கச்சத்தீவு அருகே நாராயணன் என்பவருக்கு சொந்தமான படகில் மீனவர்கள் மனோகரன், பிச்சை, அப்துல் கரீம், இளையபெருமாள் மீன் பிடித்துக் கொண்டிருந்தனர். அங்கு வந்த இலங்கை கடற்படையினர் மீனவர்களின் படகை சுற்றிவளைத்து தாக்கியது. இதில் ஒரு மீனவர் படுகாயமடைந்தார். படகில் இருந்த வலைகள், மீன்பிடி சாதனங்களை சேதப்படுத்திய கடற்படையினர், மீன்களையும் பறித்துக் கொண்டனர்.

அப்பகுதியில் மீன் பிடித்துக் கொண்டிருந்த மண்டபம் பகுதி மீனவர்களின் 3 படகுகளையும் சுற்றி வளைத்து தாக்கினர். அதனால் மற்ற மீனவர்கள் அவசரமாக கரை திரும்பினர். இச்சம்பவம் ராமேஸ்வரத்தில் பரபரப்பை ஏற்படுத்தி உள்ளது.

இதுகுறித்து மீனவர் சங்க தலைவர் போஸ் கூறுகையில், “தமிழக எம்.பி.க்கள் குழு இலங்கை சென்றுள்ள நிலையில் சிங்கள கடற்படை மீண்டும் தாக்குதல் நடத்தியுள்ளது வருத்தமளிக்கிறது. இப்பிரச்னைக்கு அரசு தீர்வு காண வேண்டும்” என்றார்.

யுத்த வெற்றி ஒன்றின் மூலம் மகிந்த சகோதரர்கள் சிங்கள மக்களை அந்த வெற்றி மாயையினுள் வைத்துத் தமது ஆட்சிக்காலத்தை அடுத்த தேர்தலிலும் நீடித்துச் செல்லலாம் என்பதைத் தவிர, சிங்கள தேசம் பல்வேறு இழப்புக்களை எதிர்கொள்ள வேண்டிய நிலைக்கே தள்ளப்பட்டுள்ளது.

அரசியல் விவேகமற்ற மகிந்த ராஜபக்ஷவை ஆடசியில் அமர்த்திய விடுதலைப் புலிகளின் இராஜதந்திரம் அவர்களுக்கு களமுனைத் தோல்வியை ஏற்படுத்தினாலும், அவர்களது இலக்கு மாறாத பயணத்திற்கு ராஜபக்ஷ சகோதரர்களின் மாறாத இனவாத நிலைப்பாடு பெரும் உத்வேகத்தை வழங்கி வருகின்றது.

முள்ளிவாய்க்கால் இறுதிப் போரில் விடுதலைப் புலிகளின் இராணுவ பலம் முற்றாக அழிக்கப்பட்ட பின்னர், தமிழ் மக்களை அரவணைக்க முற்பட்டிருந்தால்…,

பல்லாயிரக்கணக்கான தமிழர்கள் பலி கொள்ளப்பட்ட இறுதி யுத்தத்தை சிங்கள தேசத்தின் வெற்றியாகப் பிரகடனப்படுத்திக் கொண்டாடாமல் விட்டிருந்தால்…

காலம் தாழ்த்தியாவது தமிழ் மக்களது அரசியல் அபிலாசைகளை நிவர்த்தி செய்வதற்கான ஆக்கபூர்வமான நடவடிக்கைகளை மேற்கொண்டிருந்தால்…

தமிழீழ விடுதலைப் போராட்டம் தடுமாறித்தான் போயிருக்கும்.

அமெரிக்கா மீதான “11 செப்ரம்பர் தாக்குதல்” ஏற்படுத்தியிருந்த புதிய ஒழுங்கு விதிகள் சிங்கள தேசம் ‘பயங்கரவாதம்’ என்ற ஒற்றைச் சொல்லினூடாகத் தமிழீழ மக்களின் விடுதலைப் போராட்டத்தை இல்லாமல் ஆக்குவதற்கு உலக நாடுகளின் அமோக ஆதரவைப் பெற்றிருந்தாலும், யுத்த வெற்றிக்குப் பின்னரான மகிந்த சகோதரர்களின் தமிழர்கள் மீதான பழிவாங்கும் செயல்கள் அந்த நாடுகளை மீள் சிந்தனைக்குள்ளாக்கியுள்ளது.

வன்னி மீதான யுத்தத்தை ஆரம்பித்த காலம் முதல் இன்றுவரை சிங்கள அரசு யுத்தம் நடைபெற்ற பகுதிகளுக்குச் செல்வதற்கு சுயாதீன ஊடகவியலாளர்களையோ, தொண்டு நிறுவனங்களையோ, மனித உரிமை செயற்பாட்டாளர்களையோ தொடர்ந்தும் அனுமதிக்க மறுத்து வருவது….

யுத்த கள முனையிலிருந்து தப்பி வந்த தமிழர்களை சிங்கள அரசு நடாத்தும் விதம், இறுதிவரை யுத்த கள முனையில் பணியாற்றிய ஐ.நா.வின் பணியாளர்கள், வைத்தியர்கள், தமிழ்த் தேசிய கூட்டமைப்பின் நாடாளுமன்ற உறுப்பினர் கனகரத்தினம் உட்பட்ட பலரையும் யுத்தம் நடந்த காலத்தில் இடம்பெற்ற கொடூர சம்பவங்களின் சாட்சியாகாமல் தடுத்து வைத்திருப்பது….

ஊடகவியலாளர் திஸ்ஸநாயகத்திற்கு இலங்கை இராணுவத்தினரை விமர்சித்த காரணத்திற்காக 20 வருட கடூழிய சிறைத் தண்டனை வழங்கியது போன்ற இலங்கையின் அத்தனை நடவடிக்கைகளும் அவர்களது தமிழ் மக்களுக்கு எதிரான இனவாத கொடூரத்தை உலக நாடுகளுக்கு அம்பலப்படுத்தியுள்ளது.

இறுதி யுத்தகாலம் வரை புலம்பெயர் தேசங்களில் தமிழர்கள் நடாத்திய போராட்டங்கள் அதிக கவனம் பெறாத போதும், அதற்குப் பின்னரான சிங்கள தேசத்தின் இனவாத நடவடிக்கைகள் காரணமாக அந்தப் போராட்டங்களின் நியாயத் தன்மை பல நாடுகளின் மனச்சாட்சியை உறுத்தி வருகின்றது.

குறிப்பாக, ஐரோப்பிய நாடுகள் இலங்கை அரசின் தமிழர்களுக்கு எதிரான குற்றச் செயல்களினால் பெரும் அதிருப்தியை அடைந்துள்ளன. இலங்கைக்கு எதிரான அதன் முதல் தாக்குதலாக இலங்கை இதுவரை அனுபவித்து வந்த ஜி.எஸ்.பி. பிளஸ் வரிச் சலுகையை ரத்துச் செய்யும் முடிவுக்கு வந்துள்ளது.

இலங்கை அரசு தமிழர் விரோத செயற்பாடுகளை நிறுத்தி, அவர்களது அரசியல் அபிலாசைகளுக்கு மதிப்பளிக்க தொடர்ந்தும் தவறுமானால், ஐரோப்பிய நாடுகள் மேலும் பல தடைகளை இலங்கை மீது கொண்டு வரலாம் என்றே எதிர்பார்க்கப்படுகின்றது.

ஈழத் தமிழர்கள் மீதான உலகத்தின் அனுதாபங்களைச் சாதகமாக்கிக் கொள்ள புலம் பெயர் தமிழர்கள் தமது போராட்டங்களை தீவிரப்படுத்தத் தொடங்கியுள்ளார்கள். புலம்பெயர் தமிழர் அமைப்புக்களின் கருத்துக்களை அறிந்து கொள்வதில் அந்தத் தேசங்களின் அரசியல் தலைமைகள் அக்கறை காட்ட ஆரம்பித்துள்ளன.

சிங்கள தேசத்தால் ஈழத் தமிழர்கள் மீது போடப்பட்ட பயங்கரவாதத் திரை மெல்ல மெல்ல விலகி வருகின்றது. விடுதலைப் புலிகள் மீதான பயங்கரவாத முத்திரை விரைவில் தகர்க்கப்படும் சாதக நிலையும் உருவாகியுள்ளது.

சிங்கள அரச பயங்கரவாதமே விடுதலைப் புலிகளைப் பிரசவித்தது என்பதை பிரான்சிலிருந்து வெளிவரும் ‘லு மோந்த்’ போன்ற சர்வதேச பிரபல்யமான பத்திரிகைகளே ஒப்புக்கொள்ள ஆரம்பித்துள்ளன.

முள்ளிவாய்க்கால் வெற்றிக்குப் பின்னர் ‘விடுதலைப் புலிகள்’, ‘பயங்கரவாதம்’ என்ற சிங்கள தேசத்தின் பூச்சாண்டிகள் உலக நாடுகளால் ஏற்கப்படாத நிலை உருவாகியுள்ளது.
ஆக மொத்தத்தில், தமிழீழ மக்கள் இழந்தவற்றை மீட்கும் புறச் சூழல் சாதகமாகவே உள்ளது.

புலம் பெயர் தமிழர்கள் தமிழீழ மண்ணை மீட்டெடுக்கவும், தமிழீழ மக்களை சிங்கள இனவாதக் கொடூரங்களிலிருந்து விடுவிக்கவுமான தமது போராட்டங்களிலிருந்து பின் வாங்கப் போவதில்லை.

இந்த சந்தர்ப்பத்தை தமிழ்த் தேசியக் கூட்டமைப்பும் மனத் தூய்மையோடு நேர்மையாகப் பயன்படுத்திக்கொள்ள வேண்டும்.

உலக நாடுகளின் அக்கினிப் பார்வையிலிருந்தும், தண்டனைகளிலிருந்தும் தம்மைக் காப்பாற்றிக் கொள்ள ராஜபக்ஷ சகோதரர்களுக்கு இருக்கும் ஒரே துருப்புச் சீட்டாக தமிழ்த் தேசியக் கூட்டமைப்பு உள்ளது என்பதையும் மறந்துவிடக் கூடாது.

இதுவரை கண்டுகொள்ளப்படாமல் விட்டு வைத்திருந்த தமிழ்த் தேசியக் கூட்டமைப்பை மகிந்த ராஜபக்ஷ அழைத்துச் சந்தித்ததற்குப் பின்னால் இந்தச் சதி முயற்சி உள்ளதாகவே நம்பப்படுகின்றது.

இனப்பிரச்சினைத் தீர்வுக்கான அழுத்தங்களை உலக நாடுகள் இலங்கை மீது பிரயோகிக்கும் போது, நாங்கள் தமிழ்த் தேசியக் கூட்டமைப்புடன் இதுபற்றிப் பேசுகின்றோம் என்று காலம் கடத்தும் பதிலுக்கு ராஜபக்ஷ தமிழ்த் தேசியக் கூட்டமைப்பைப் பயன்படுத்த முற்படுகிறார்.

ராஜபக்ஷ அரசைக் காப்பாற்ற இந்தியாவும் தமிழ்த் தேசியக் கூட்டமைப்பை மகிந்தவுடன் பேசும்படி நிர்ப்பந்தப்படுத்துகின்றது.

இந்த சதிவலையிலிருந்து விடுபட்டு, பேச்சிழக்க வைக்கப்பட்டுள்ள தமிழீழ மக்களுக்காக புலம்பெயர் தமிழர்களுடன் இணைந்து தமிழீழத்தை மீட்கும் பயணத்தில் தமிழ்த் தேசியக் கூட்டமைப்பு உறுதியுடன் செயலாற்ற வேண்டும் என்பதே உலகத் தமிழர்களின் விருப்பமாக உள்ளது.

நன்றி: ஈழநாடு (பாரிஸ்)

சிறைக்கு வரும் 75 சதவீத விசாரணை கைதிகள் மது போதைக்கு அடிமையாகி இருப்பதும் தெரியவந்துள்ளது. சிறையில் இவர்களுக்கு மதுவினால் ஏற்படும் விளைவுகள் குறித்து ஆலோசனை வழங்கப்படுகிறது. இதனால் “வெளியே” செல்லும்போது திருந்திய நிலையில் செல்வதாகவும் சிறைத்துறை அதிகாரிகள் தெரிவித்தனர்.

இலங்கை கடற்படையின் செயலை தான் வன்மையாக கண்டிப்பதாகவும் அத்தோடு, இது போன்ற வன்முறை நிகழ்வுகளுக்கு இப்போதாவது ஒரு முடிவு ஏற்படும் வகையில் மத்திய அரசு உறுதியான நடவடிக்கைகளை உடனடியாக மேற்கொள்ள வேண்டும் என்று கேட்டுக்கொள்வதாக முதல்வர் கருணாநிதி தெரிவித்துள்ளார்.

மாவட்ட கலெக்டர்கள், உயர் பொலிஸ் அதிகாரிகளின் 2 நாள் மாநாடு முதல்- அமைச்சர் கருணாநிதி தலைமையில் நேற்று ஆரம்பமாகியது .

இன்று கலெக்டர்கள் மற்றும் உயர் அதிகாரிகள் கலந்து கொண்ட 2ஆவது நாள் மாநாட்டில் கலந்து கொண்டு முதல்வர் பேசுகையில் அவர் இதனை தெரிவித்துள்ளார் .

அவர் மேலும் தெரிவிக்கையில் தமிழக மீனவர்கள் 21 பேரை இலங்கைக் கடற்படையினர் கடத்திச் சென்றதைக் குறிப்பிட்டு கடுமையாக குற்றம் சாட்டியுள்ளார்.

ராமேசுவரத்தில் இருந்து புதன்கிழமை அன்று 400க்கும் மேற்பட்ட விசைப்படகுகளில் மீனவர்கள் கச்சத்தீவு அருகே சென்ற, வேளையில் இலங்கைக் கடற்படையினர் சிறிய கப்பல்களில் வருவதை கண்ட தமிழக மீனவர்களின், படகுகள் அவசரம் அவசரமாக கரைக்குத்திரும்பும் முயற்சியில் ஈடுபட்ட நிலையில் தமிழக மீனவர்களின் படகுகளைச் சுற்றி வளைத்து இறுதியாக 5 படகுகளையும், 21 மீனவர்களையும் கைது செய்துள்ளனர். இது வரை ஏராளமான நிகழ்வுகள் நடந்து, தமிழக மீனவர்கள் பெரிதும் பாதிக்கப்பட்டுள்ளனர்.

ஒவ்வொரு நிகழ்வின் போதும், தமிழக அரசு விடுத்த கோரிக்கையின் அடிப்படையில் மத்திய அரசு தலையிட்டு, தமிழக மீனவர்களை மீட்டுள்ளதோடு, இலங்கைக் கடற்படையினருக்கு கண்டனமும் தெரிவித்துள்ளது.

தமிழக மீனவர்கள் இலங்கைக்கடற்படையினரால் துன்ப துயரங்களுக்கு உள்ளாக்கப்படுவது குறித்து தமிழக அரசின் தலையீட்டின் அடிப்படையில், பல்வேறு நிலைகளில் மத்திய அரசு இலங்கை அரசாங்கத்துடன் பேச்சு வார்த்தைகளும் நடத்தியுள்ளது. அப்போதெல்லாம் இலங்கை அரசின் தரப்பில் தரப்பட்ட உறுதிமொழிகள் அனைத்தும் காற்றில் பறக்க விடப்படுகின்றன என முதல்வர் கருணாநிதி. தனது கண்டனத்தை தெரிவித்துள்ளார்.

தொழில் நிமித்தம் குறித்த இளைஞர், பொலிஸ் அறிக்கை ஒன்றைப் பெற்றுக் கொள்ள முயற்சித்த வேளையில் இந்த உண்மை புலப்பட்டுள்ளது.

குறித்த இளைஞரது கைவிரல் அடையாளத்தை மாற்றிப் பதிவு செய்த பொலிஸ் உத்தியோகத்தரும் சிவில் பாதுகாப்பு படைவீரரும் கைது செய்யப்பட்டுள்ளனர்.

இலத்திரனியல் மற்றும் அச்சு ஊடகங்களில் இது குறித்து வெளியாகிய செய்திகள் குறித்து வவுனியா அரச செயலகம் அக்கறை கொண்டிருப்பதாகவும் அவர் தெரிவித்தார்.

தற்போது வெளிநாட்டில் இருக்கும் வவுனியா அரசாங்க அதிபர் திருமதி பி.எஸ்.எம்.சார்ள்ஸின் பணிப்பின் பேரில் இந்த அறிக்கை வெளியிடப்படுவதாகவும் அந்த அறிக்கையில் தெரிவிக்கப்பட்டுள்ளது.

அந்த அறிக்கையில், இடைத்தங்கல் முகாம்களில் இருக்க வேண்டியவர்கள் பலர், வெளியில் நடமாடியதைக் கண்டதாகப் பல தரப்பினரும் வாய்மொழி மூலமாகத் எங்களுக்குத் தகவல் தெரிவித்தனர். இது குறித்து உரிய நடவடிக்கை எடுக்கப்பட்டு வருகிறது.

இந்த நடவடிக்கை முற்றுப் பெற்றதும், இதுபற்றிய தகவல்கள் ஊடகங்களுக்கு வெளியிடப்படும் என்றும் மேலும் தெரிவிக்கப்பட்டுள்ளது.

அகதிமுகாம்களில் இருந்து காணாமல்போயுள்ளனர் என்று கூறப்படும் 10 ஆயிரம் தமிழர்களுக்கு என்ன நடந்தது? அவர்கள் எங்கே இருக்கிறார்கள் தமிழ் அக திகள் சிறைக் கைதிகள் போன்று முட் கம் பிகள் சூழ அடைத்து வைக்கபட்டிருக் கிறார் கள். அவ்வாறு இருக்க 10,000 பேர் எவ்வாறு காணாமற் போனார் கள்? அரசு இது தொடர்பில் பொறுப்புடன் பதிலளிக்க வேண்டும்.

எதிர்க்கட்சித் தலை வரின் அலுவலகத் தில் நேற்று இடம் பெற்ற ஊடகவிய லா ளர் சந்திப்பில் கலந்துகொண்டு உரையாற் றிய ஐக்கிய தேசியக் கட்சியின் நாடாளு மனற் உறுப்பினர் லக்ஷ்மன் கிரியெல்ல இப்படிக் கூறினார். அவர் இது தொடர்பில் மேலும் கூறியவை வருமாறு:
வவுனியா அகதிமுகாம்களில் இருந்து சுமார் 10 ஆயிரம் அகதிகள் காணாமல் போயுள்ளனர் என்று வவுனியா அரச அதிபர் தெரிவித்துள்ளார். இந்தத் தகவல் ஜூன் மாதத்திலும் வெளியாகியிருந்தது.
சிறைக்கைதிகள் போல் முட்கம்பிகள் சூழ தமிழ் அகதிகள் அடைத்து வைக்கப்பட்டிருக்கும் நிலையில் அவர்கள் எப்படிக் காணாமல் போனார்கள்? அந்தப் 10 ஆயிரம் பேரும் கடத்தப்பட்டனரா? அவர்கள் இப்போது எங்கே உள்ளனர்? இந்தக் கேள்விகளுக்கு அரசு பொறுப்புடன் பதிலளிக்க வேண்டும்.
இன்று அகதிகள் படும் வேதனையை வார்த்தையில் விவரிக்க முடியாது. போதிய உணவின்றி, உடையின்றி, குடிதண்ணீரின்றி, மலசலகூட வசதிகளின்றி இந்த மக்கள் அகதிமுகாம்களில் கஷ்டப்படுகின்றனர்.
இந்தக் கஷ்டங்கள் போதாதென்று மழையிலும் அவர்களைக் கொடுமைப்படுத்துகின்றதுஅரசு. பருவப்பெயர்ச்சி மழை ஆரம்பமாகப் போகின்றது. அப்போது அந்த முகாம்களில் தண்ணீர் நிரம்பி வழியும். அவர்களால் எதுவும் செய்ய முடியாமல் போகும்.
அண்மையில் ஓரிருநாள் பெய்த மழைக்கே அந்த முகாம்கள் நீரினால் நிரம்பி வழிந்தன. இந்த நிலையில் இந்த மக்கள் உடனடியாக மீள்குடியமர்த்தப்பட வேண்டும். இது தொடர்பாக சர்வதேசமே வேண்டுகோள் விடுத்து வருகின்றது. அரசு அதைக் கவனத்தில் எடுத்ததாகத் தெரியவில்லை.
இந்த மக்கள் உடனடியாக மீள்குடியமர்த்தப்பட வேண்டும் என்று நாம் மீண்டும் மீண்டும் அரசிடம் கேட்டுக்கொள்கிறோம். என்றார்.